Parkovačnyja kartki

Kartku parkoŭki sa zručnym dla vas časavym pieryjadam — na 20 abo 60 chvilin — možna nabyć u kijoskach «Minsktrans» i «Sajuzdruk». Dla taho, kab skarystacca takoj kartkaj, dastatkova paznačyć datu i čas pačatku parkoŭki i pakłaści kartku pad łabavoje škło aŭtamabila. Dokazam apłaty ličycca najaŭnaść pad łabavym škłom aŭtamabila aktualnaj (čas pačatku parkoŭki + naminał) kartki. 

SMS parkoŭka

Apłacić parkoŭku z rachunku luboha sotavaha apieratara možna adpraviŭšy na adziny karotki numar 204 SMS-paviedamleńnie ź ličbami vašaha dziaržnumara. Pry nieabchodnaści moža być adpraŭlena niekalki paviedamleńniaŭ, kožnaje ź jakich aktyvizuje apłatu za jašče adnu hadzinu. U vypadku paśpiachovaj apłaty na vaš telefon pryjdzie SMS-paviedamleńnie, dzie buduć pakazany numar vašaha aŭtamabila i čas zakančeńnia apłačanaha parkoŭki.

Prykład: dla apłaty parkoŭki aŭtamabila z numaram 1234 AV-7 na adnu hadzinu adpraŭcie na numar 204 SMS z tekstam 12347. U vypadku, kali aŭtamabil maje rasijskija ci zamiežnyja numary, adpraŭlać SMS na toj ža numar nieabchodna nastupnym čynam: S065MK78 (vaš numar) → 06578 (dla SMS).

 

USSD parkoŭka

Dla apłaty adpraŭcie na karotki numar 204 USSD-zapyt, u jakim ukažycie ŭsie ličby vašaha dziaržnumara. Čakajcie SMS z paćviardžeńniem (budzie paznačana taja ž infarmacyja, što i pry apłacie praz SMS).

Prykład: dla apłaty parkoŭki aŭtamabila z numaram 1234 AV-7 na adnu hadzinu nabiarycie na kłaviatury telefona *204*12347#, naciśnicie «vyklik». Dla apłaty parkoŭki aŭtamabila z zamiežnymi numarami: nabiarycie *204*06578# i naciśnicie «vyklik».

 

Smartfon

Mabilny dadatak dla smartfona spampujcie z sajta www.parkouka.by. Prajdzicie rehistracyju i vykanajcie instrukcyi.

 

Parkamaty

Na niekatorych płatnych parkoŭkach ustalavany tak zvanyja parkamaty. Pry ich najaŭnaści vy možacie apłacić najaŭnymi hrašyma abo bankaŭskaj kartkaj, vykonvajučy instrukcyi parkamata.

 

Płaciežnyja terminały, mabilny abo internet-bankinh (ARIP)

Apłačvajcie parkoŭku praz płaciožny terminał abo internet-bankinh, vykonvajučy instrukcyi. Pry apłacie paznačcie ŭsie ličby i litary dziaržnumara aŭto (u tym liku i rehijon).

Rekvizity płaciažu: ARIP → Ahulnarespublikanskija→ Stajanki, haražy, parkoŭki → Parkoŭki → h. Minsk → 204.parkouka.by → Razavaja apłata parkoŭki.

 

Źviarnicie ŭvahu! Niekatoryja parkovačnyja zony nieabchodna apłačvać z dapamohaj servisa parkme.by (naprykład, u rajonie vulicy Tałbuchina). U takim vypadku sposaby apłaty zastajucca tyja ž (mabilny dadatak parkme.by, SMS-paviedamleńnie, parkamaty, ARIP). Pry apłacie z dapamohaj SMS: dašlicie SMS z tekstam «numar parkoŭki*numar aŭto*kolkaść hadzin» (naprykład, 7001*1234AV7*2) na numar 206. Dla daterminovaha zakančeńnia dašlicie na toj ža numar paviedamleńnie z tekstam «S» abo «C»; pry padaŭžeńni terminu — «Chkolkaść hadzin» (da prykładu, Ch2). Bolš padrabiazna — na infastendach.

 

Abaniemient (dla zon 204)

U jakaści apłaty možna vykarystoŭvać abaniemienty terminam na dzień, 7 i 30 kalandarnych dzion ź luboj daty. Dziejničaje abaniemient tolki na adnoj parkovačnaj zonie (vulicy)/u zonie dziejańnia 204. Košt abaniemienta zaležyć ad abranych kryteryjaŭ i varjirujecca ad 5,00 da 80,00 BYN.

Kab nabyć abaniemient nieabchodna:

  • Zajści ŭ raździeł «Asabisty kabiniet» sajta www.parkouka.by (novym karystalnikam treba prajści rehistracyju);
  • U asabistym kabiniecie ŭ mieniu źleva abrać punkt «Płata za parkoŭku (abaniemienty)»;
  • U prapanavanym śpisie vybrać vid abaniemienta, jaki cikavić, i nacisnuć «Nabyć»;
  • U novym aknie ŭkazać vulicu, termin dziejańnia, asabistyja dadzienyja i numar telefona ŭładalnika, numar aŭtamabila;
  • Apłacić abaniemient praz ARIP, paznačyŭšy numar abaniemienta pavodle instrukcyi, atrymanaj u asabistym kabiniecie.

Paśla nabyćcia abaniemienta pry parkoŭcy aŭtamabila ŭ zonie dziejańnia abaniemienta nijakich dadatkovych dziejańniaŭ rabić nie treba.

Pry parkoŭcy ŭ inšaj zonie nieabchodna apłacić parkoŭku adnym sa sposabaŭ.

Kolkaść abaniemientaŭ dla kožnaj zony płatnaj parkoŭki (vulicy), pryznačanych dla prodažu, abmiežavana.

Dadatkovuju infarmacyju, što datyčyć adrasoŭ parkovačnych zon i najaŭnaści volnych miescaŭ (dla zony 204) možna atrymać na sajtach www.parkouka.by i https://minsk.gov.by/ru/org/10280/attach/3cb8eac/.

Budźcie ŭvažlivy i svoječasova apłačvajcie parkoŭku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?