Takoje rašeńnie pryniaŭ Kanstytucyjny sud krainy. Za kureńnie marychuany nie buduć karać navat štrafami. Taksama havorka idzie pra dazvoł kuryć u publičnych miescach. Razam z tym, vyroščvać, pradavać abo kuplać marychuanu niezakonna, paviedamlaje bbc.com.

Kanstytucyjny sud u svaim rašeńni adznačyŭ, što spažyvańnie marychuany źjaŭlajecca dziejańniem, jakaja abaroniena pravam na svabodnaje raźvićcio asoby.

Kanstytucyjny sud Hruzii jašče dva hady tamu dazvoliŭ žycharam krainy ŭžyvać marychuanu, ale ŭ nievialikich kolkaściach. Hałoŭnaj umovaj lehalnaha ŭžyvańnia narkotyku byŭ niedastatkovy dla prodažu abjom. Na dumku sudu, kali abjom marychuany nie pieravyšaje 70 hramaŭ, praktyčna niemahčyma dakazać, što jaje ŭładalnik płanavaŭ pradać hety narkotyk.

Raniej hruzinskaje zakanadaŭstva praduhledžvała administracyjnuju adkaznaść u vypadku, kali čałavieka ŭpieršyniu łavili na ŭžyvańni marychuany, i kryminalnuju pry paŭtornym.

Niadaŭna kanadski parłamient prahałasavaŭ za zakonaprajekt ab lehalizacyi niemiedycynskaj marychuany. Kanada stała druhoj krainaj śvietu, dzie niemiedycynskaje ŭžyvańnie hetaha rečyva dazvolili pa ŭsioj krainie. Pieršaj byŭ Uruhvaj - tam marychuanu lehalizavali ŭ śniežni 2013 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0