Administracyjnaja zabarona na naviedvańnie spabornictvaŭ dla zaŭziataraŭ-chulihanaŭ ŭvodzicca ŭ Biełarusi. Heta praduhledžana zakonam «Ab uniasieńni źmianieńniaŭ i dapaŭnieńniaŭ u niekatoryja kodeksy Biełarusi», jaki aficyjna apublikavany na Nacyjanalnym pravavym internet-partale, paviedamlaje BiełTA.

Zakon praduhledžvaje ŭviadzieńnie novaha vidu administracyjnaha spahnańnia - zabarony na naviedvańnie fizkulturna-spartyŭnych zbudavańniaŭ padčas spartyŭna-masavych mierapryjemstvaŭ i spabornictvaŭ. Takaja zabarona moža prymianiacca za ździajśnieńnie na terytoryi stadyjona administracyjnych pravaparušeńniaŭ. U ich liku drobnaje chulihanstva, raśpićcio ałkaholu, užyvańnie narkotykaŭ i psichatropaŭ, prapahanda nacysckaj atrybutyki.

Administracyjnaja zabarona dziejničaje ad troch miesiacaŭ da troch hadoŭ. Za parušeńnie zabarony praduhledžanaja adkaznaść u vyhladzie štrafu abo aryštu.

Papraŭki ŭstupajuć u siłu praz try miesiacy paśla aficyjnaha apublikavańnia zakona, jakoje adbyłosia 28 lipienia.

Клас
0
Панылы сорам
0
Ха-ха
0
Ого
0
Сумна
0
Абуральна
0