Prysud u dačynieńni troch biełaruskich aŭtaraŭ ahienctva «Rehnum», asudžanych na piać hadoŭ pazbaŭleńnia voli z adterminoŭkaj prysudu za raspalvańnie nacyjanalnaj varožaści abo roźni, ustupiŭ u zakonnuju siłu, paviedamiŭ tass.ru.

Pra heta paviedamiŭ u aŭtorak žurnalistam pieršy namieśnik staršyni Viarchoŭnaha suda Biełarusi Valeryj Kalinkovič.

«Padavałasia apielacyjnaja skarha pa hetaj spravie. Jana była razhledžana Viarchoŭnym sudom 14 červienia hetaha hoda. Prysud Minskaha haradskoha suda pakinuty bieź źmienaŭ i ŭstupiŭ u zakonnuju siłu», — adznačyŭ pieršy namieśnik kiraŭnika Viarchoŭnaha suda respubliki.

Raniej abarona asudžanych vykazvała namier padać skarhu ŭ paradku nahladu na imia kiraŭnictva Viarchoŭnaha suda. «Prynamsi, da mianie na stoł nie pastupała [skarha]», — zajaviŭ pieršy namieśnik staršyni Viarchoŭnaha suda.

Minski haradski sud 2 lutaha pryznaŭ Juryja Paŭłaŭca, Dźmitryja Alimkina i Siarhieja Šyptenku vinavatymi ŭ raspalvańni nacyjanalnaj varožaści i prysudziŭ ich da piaci hadoŭ pazbaŭleńnia voli z adterminoŭkaj prysudu na try hady, vyzvaliŭšy z-pad varty ŭ zale suda.

Biełaruskija aŭtary šerahu rasijskich infarmacyjnych resursaŭ byli aryštavanyja ŭ kancy 2016 hoda pa abvinavačvańni ŭ raspalvańni nacyjanalnaj varožaści.

Клас
0
Панылы сорам
0
Ха-ха
0
Ого
0
Сумна
0
Абуральна
0