U Danii ad sierady zakon zabaraniaje našeńnie parandžy. Praŭda, sami žanočyja musulmanskija adziežy ŭ tekście zakona nie ŭpaminajucca, ale dakumient pastanaŭlaje, što znachodzicca ŭ publičnym miescy z zakrytym tvaram zabaroniena.
Pravaabaroncy raskrytykavali novy zakon, ale bolšaść palityčnych siłaŭ jaho padtrymali. Tak Danija sprabuje zamacavać nacyjanalnyja tradycyi, jakija, na dumku datčan, musiać pavažacca i imihrantami.
Imihranty składajuć prykładna 10% 6-miljonnaha nasielnictva Danii. Musulman siarod imihrantaŭ — prykładna treciaja častka, abo 3,7% ad usiaho nasielnictva. Danija — adna z najbahaciejšych krain śvietu i daŭniaja demakratyja. Jana ŭvachodzić u NATA i brała ŭdzieł u antyterarystyčnych apieracyjach u musulmanskich Afhanistanie i Iraku.
Učora pakarali pieršuju parušalnicu zakona. Žančyna išła ŭ čadry pa vulicy, i adbyŭsia kanflikt. Inšaja žančyna, datčanka, pasprabavała źniać ź jaje chidžab. U vyniku palicyja skłała pratakoł na abiedźviuch za parušeńnie hramadskaha paradku, a pieršuju — jašče i za chidžab. Štraf skłaŭ 1000 dackich kron — heta kala 300 biełaruskich rubloŭ. Za paŭtornaje parušeńnie zakona joj pryjdziecca zapłacić ŭ 10 razoŭ bolš — kala 3000 rubloŭ.
