Piensijanier 1954 hoda naradžeńnia i jaho byłaja sužycielka, jakaja prykładna na 20 hadoŭ maładziejšaja za jaho, sustrelisia ŭ horadzie i vyrašyli razam pravieści čas, paviedamili Intex-press va UUS Bresckaha abłvykankama.

Mužčyna daŭ žančynie klučy ad kvatery. Potym jany razam vypivali. A praź niekalki dzion haspadar kvatery vyjaviŭ, što ŭ jaho prapała piensijnaje paśviedčańnie. I napisaŭ zajavu ŭ milicyju.

Jaho siabroŭka nie stała admaŭlać, što paśviedčańnie ŭziała jana. Ale patłumačyła, što jaje metaj było nie samo paśviedčańnie (jaho jana vykinuła ŭ śmietnicu na vulicy), a dziesiać dalaraŭ, jakija lažali ŭ im.

Paśviedčańnie pakul nie znajšli.

Śledčym kamitetam raspačata kryminalnaja sprava pa artykule 378 KK Biełarusi «Kradziež albo źniščeńnie asabistych dakumientaŭ». Jon praduhledžvaje pakarańnie ad papraŭčych rabot abo štrafu da pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0