U Vilejcy 28-hadovy mužčyna nie adpuskaŭ svaju dziaŭčynu i pahražaŭ nažom taksistu, jaki źbiraŭsia pavieźci jaje ź inšym kavaleram. Prakuratura 6 žniŭnia nakiravała spravu ŭ sud. Prakuror Vilejskaha rajona Vadzim Šukrynaŭ raspavioŭ karespandentu Młyn.by:

— Incydent adbyŭsia ŭ Vilejcy 29 traŭnia kala pałovy druhoj hadziny nočy. Mužčyna adpačyvaŭ ź dziaŭčynaj u internacie, u jakim žyvie. Kali jana vyklikała taksi, sieła ŭ mašynu i źbirałasia źjechać ź inšym maładym čałaviekam, pjany kavaler dastaŭ kuchonny nož, prystaviŭ jaho da horła taksista i zahadaŭ nie ruchacca ź miesca, pakul dziaŭčyna nie vyjdzie z mašyny.

Pa słovach Vadzima Šukrynava, abvinavačany vyciahnuŭ dziaŭčynu z aŭtamabila, druhi kavaler paciarpiełaj uciok telefanavać u milicyju, a spałochany taksist źjechaŭ ź miesca zdareńnia.

Padazravany ŭ ździajśnieńni złačynstva byŭ niekalki razoŭ asudžany. Da kryminalnaj adkaznaści pryciahvaŭsia za pryčynieńnie ciažkaha cialesnaha paškodžańnia, rabavańnie, machlarstva, kradziažy i prysvajeńnie daručanaj jamu majomaści.

Mužčyna źmieščany pad vartu da suda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?