U Słavakii aryštavali žančynu, jakaja davodziła susiedziaŭ da biełaj harački opiernaj muzykaj ciaham 16 hadoŭ.

Jak paviedamlaje vienhierski sajt Parameter.sk, žycharka Šturava Jeva N. z ranicy da viečara słuchała pa niekalki razoŭ na poŭnaj hučnaści adnu i tuju ž čatyrochchvilinnuju aryju z opiery Džuzepe Vierdzi «Travijata».

Žančyna ŭklučała aryju na poŭnuju hučnaść, kab zahłušyć brech susiedskaha sabaki.

Razzłavanyja susiedzi źviartalisia da ŚMI, adnak aryja ŭ vykanańni Płasida Daminha praciahvała teraryzavać ludziej.

«Ja lublu Płasida Daminha, — raspaviała adna z susiedak. — Ale nie da takoj ža stupieni».

«Usia vulica pakutuje», — paskardziŭsia inšy žychar Šturava słavackamu vydańniu Sme.

Palicyja aryštavała miełamanku ŭ paniadziełak, jaje abvinavačvajuć u parušeńni hramadskaha paradku i pieraśledzie.

Žančyna pakul zastajecca pad vartaj, joj pahražaje ad šaści miesiacaŭ da troch hadoŭ turmy, kali vinu dakažuć.

Heta nie pieršy vypadak, kali susiedzi nie dajuć spakojna žyć, parušajučy cišyniu.

U sakaviku 2017 žycharku brytanskaha Uołsała aryštavali za toje, što taja słuchała pa niekalki razoŭ na poŭnaj hučnaści pieśniu Eda Šyrana Shape of You.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?