U internecie praciahvajecca absmoktvańnie padrabiaznaściaŭ hulni minskaha «Dynama» i picierskaha «Zienita» ŭ Lizie Jeŭropy. Čytačy spartyŭnych sajtaŭ źviarnuli ŭvahu na niekalki dziŭnych momantaŭ.

Naprykład, adsutnaść u zajaŭcy «Dynama» najlepšaha hulca pieršaha matča sierba Uraša Nikaliča. Pierad hulnioj byli paviedamleńni, što lehijanier zdarovy i trenirujecca. Adnak u zajaŭku jon nie trapiŭ nibyta pa pryčynie zapaleńnia achiłavaha suchažylla. Pry hetym sierb hulaŭ z takim samym zapaleńniem apošni miesiac.

Kinułasia ŭ vočy toje, što trenier «Dynama» Siarhiej Hurenka tak i nie vypuściŭ na hulniu svajho syna Arcioma, jaki vychodziŭ na pole adzinaccać matčaŭ zapar. A ŭ hetaj hulni było navat nie try, a čatyry zamieny.

I ŭrešcie, vielmi dziŭnaja reakcyja Siarhieja Hurenki na zabityja kamandaj hały. Kali ŭsia łaŭka zapasnych radavałasia spačatku hołu Uładzimira Chvaščynskaha (jaho admianili praz afsajd), a paśla Jachai (jaho zaličyli), Hurenka chapaŭsia za hałavu.

Reakcyja Hurenki na hoł Chvaščynskaha…

Reakcyja Hurenki na hoł Chvaščynskaha…

…i Jachai.

…i Jachai.

Mahčyma, Hurenka zaŭsiody tak reahuje ŭ stresavaj situacyi? Vyhladaje, što nie.

My prahladzieli tranślacyju pieršaj sustrečy «Dynama» i «Zienita» ŭ Minsku. Reakcyja Hurenki na zabityja kamandaj hały nie zaŭsiody traplała ŭ tranślacyju, ale z taho, što pakazali pa telebačańni, vidać, što za hałavu jon usio ž nie chapaŭsia.

Tak Hurenka reahavaŭ u Minsku.

Tak Hurenka reahavaŭ u Minsku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?