Maštabny subotnik pa naviadzieńni paradku prajšoŭ u subotu ŭ Aršanskim rajonie, piša BiełTA.

Na dobraŭparadkavańnie rehijonu vyjšli supracoŭniki 300 pramysłovych pradpryjemstvaŭ, sielhasarhanizacyj, žyllova-kamunalnaj śfiery, ustanoŭ adukacyi, achovy zdaroŭja, kultury. Pa kožnaj arhanizacyi składzieny pieralik i hrafik rabot.

U adnym z dvaroŭ horada kiraŭnictva rajona razam z rabotnikami rajvykankama ŭstalavali areli, dziciačuju horku i piasočnicy, nabytyja dvuma miascovymi pradpryjemstvami. U razmovie z žurnalistami novy kiraŭnik Aršanskaha rajona Ihar Isačenka padkreśliŭ, što siońniašni subotnik i naviadzieńnie paradku ŭ cełym u bližejšyja dni stanuć svajho rodu łakmusavaj papieraj u pracy kiraŭnikoŭ arhanizacyj. «Heta šturšok, kab usie razumieli, što ŭ rehijonie buduć pravodzicca maštabnyja raboty pa dobraŭparadkavańni. Padobnaja praca budzie praciahvacca nie adzin dzień», - raspavioŭ jon.

Asablivy akcent padčas subotnika zrobleny na tych pradpryjemstvach, na jakich u pačatku tydnia pabyvaŭ Alaksandr Łukašenka i zastaŭsia niezadavoleny ich stanam.

Клас
0
Панылы сорам
0
Ха-ха
0
Ого
0
Сумна
0
Абуральна
0