69-hadovy minčuk vypiŭ plašku viski i sieŭ za rul: urezaŭsia ŭ ścianu, šłahbaum, a potym sutyknuŭsia ź piaćciu aŭtamabilami 3

Viečaram u paniadziełak 69-hadovy kiroŭca paśla vypitaj plaški śpirtnoha źnios šłahbaum na parkinhu HC «Stalica» i adpraviŭsia katacca pa centry Minska. Z parkoŭki «Chionde» vyjazdžaŭ na poŭnym chadu, taraniŭšy ścieny i bardziury, piša sb.by

Vyśvietliłasia, što ŭ handlovy centr jon pryjechaŭ prykładna a 16.00. Kupiŭ plašku viski, tam ža vypiŭ, i pajechaŭ katacca. Niahledziačy na toje, što pierad vyjezdam z parkinha mužčyna začapiŭ ścianu i šłahbaŭm, jon praciahnuŭ ruch.

Na vulicy Miaśnikova, 39 jon sutyknuŭsia z «Tajotaj», ale i heta jaho nie spyniła, jon źjechaŭ ź miesca zdareńnia. Nieŭzabavie na hetaj ža vulicy prataraniŭ jašče i «Chionde». A zatym u rajonie pierasiačeńnia vulic Karala i Niamihi sutyknuŭsia z aŭtamabilami «Nisan», «Volva» i «Falksvahien».

69-hadovaha parušalnika zabrali z čerapna-mazhavoj traŭmaj. Ahlad vyjaviŭ ŭ jaho 3 pramile. U takim stanie jon navat nie zmoh zhadać usie padziei viečara.