Zacharčanka zachodziŭ pieršym.
«Ministr dachodaŭ i zboraŭ DNR» prapuściŭ na ŭvachodzie napierad žančynu
U internecie źjavilisia kadry, zroblenyja niepasredna pierad śmierciu kiraŭnika «DNR» Alaksandra Zacharčanki. Fota z kamier nazirańnia apublikavaŭ u Facebook aficer VSU Anatol Štefan (pazyŭny Šcirlic).
Na kadrach bačna, što Zacharčanka z supravadžeńniem pieršym uvachodziŭ u kafe «Siepar», za im išoŭ asabisty ciełaachoŭnik — Uładzisłaŭ Dacenka. Mienavita jany i stali dźviuma achviarami vybuchu bomby, zakładzienaj kala ŭvachodu ŭ kafe.
«Ministr dachodaŭ i zboraŭ DNR» Alaksandr Cimafiejeŭ (Taškient), jaki išoŭ za Zacharčankam, prytarmaziŭ, prapuściŭšy napierad žančynu (na fota razmaŭlaje pa telefonie).
Kiraŭnica moładzievaha kryła arhanizacyi «Apora Danbasa» Natalla Vołkava atrymała najciažejšyja ranieńni, adnak vyžyła.
Nahadajem, kiraŭnik «DNR» Alaksandr Zacharčanka byŭ zabity ŭ vyniku vybuchu ŭ Danieckam kafe «Siepar» u centry Daniecka 31 žniŭnia.
Paźniej stała viadoma, što vybuchovaje prystasavańnie raźmiaścili za šyldaj danieckaha kafe ŭnutry čaburaški.
