U padjeździe 16-paviarchovaha doma pa vulicy Kramko ŭ Hrodnie złamaŭsia lift, kali ŭ im jechali dźvie dziaŭčynki i chłopčyk. Dzieci spuskalisia na pieršy pavierch, ale lift, dajechaŭšy da nizu, raptam rezka pajechaŭ na 16-y pavierch. Małyja spałochalisia i stali klikać dapamohu.
Adnak, jak piša «Hrodzienskaja praŭda», žycharka doma spałochałasia jašče macniej. Jana vyrašyła, što kabina lifta zvaliłasia ŭ šachtu.
Na vyklik terminova prymčalisia supracoŭniki MNS, milicyja, mašyna chutkaj dapamohi, ale tryvoha akazałasia pierabolšanaj.
Ratavalniki adkryli dźviery lifta i vypuścili dziaciej na 16-m paviersie. Nichto nie paciarpieŭ.
