Incydent adbyŭsia ŭ Ivacevičach, paviedamiŭ sajtu «Pieršy rehijon» načalnik adździeła kryminalnaha vyšuku Ivacevickaha RAUS Andrej Burdź.
«Školnica ź Ivacevičaŭ raźmiaściła na staroncy ŭ sacyjalnaj sietcy svaju fatahrafiju ŭ kupalniku, jakaja nibyta nie lepšym čynam demanstravała i padkreślivała jaje formy. Praz karotki čas jana vydaliła fota, paličyŭšy, što tut asabliva niama čym chvalicca. Ale zdymak nie zastaŭsia pa-za ŭvahaj jaje siabroŭki, u jakoj saśpieŭ płan šantažu, i jakaja skapiravała fota», - raspavioŭ Andrej Burdź.
Jana stvaryła novuju staronku na imia chłopca i pačała šantažavać siabroŭku, što vykładzie heta fota ŭ sietku. Tamu zapatrabavała ŭ dziaŭčynki pieradać 10 dalaraŭ praź siabroŭku, h.zn. praź siabie.
Praź niejki čas školnicy pryjšło jašče adno paviedamleńnie z patrabavańniem hrošaj za zdymak. Na razhublenyja pavodziny šantažavanaj źviarnuła ŭvahu jaje maci, jakaja i patelefanavała ŭ milicyju.
Ad kryminalnaj adkaznaści školnicu vyratavała toje, što na momant złačynstva joj było 13 hadoŭ i 10 miesiacaŭ. Kryminalnaja adkaznaść pa art. 208 nastupaje z 14 hadoŭ.
Da taho ž šantažorka napačatku trymałasia ŭpeŭniena i navat patrabavała advakata, ale pad ciskam ulik zdałasia i navat raspłakałasia, paviedamlajuć u milicyi.
