Zasnavalnik Tesla Iłan Mask sydzie z pasady staršyni rady dyrektaraŭ kampanii i nie zmoža viarnucca na hetuju pasadu na praciahu troch hadoŭ, paviedamlaje The New York Times. Akramia taho, Mask zapłacić 20 miljonaŭ dalaraŭ štrafu i dazvolić kampanii sačyć za kantaktami ź inviestarami.
Takija ŭmovy ździełki, jakuju biznesmen zaklučyŭ z Kamisijaj pa kaštoŭnych papierach i biržam ZŠA paśla taho, jak rehulatar padaŭ da jaho pazoŭ ab machlarstvie z kaštoŭnymi papierami. Pry hetym Mask zastaniecca hienieralnym dyrektaram Tesla i členam rady dyrektaraŭ.
