U Makiedonii pačaŭsia refierendum ab pierajmienavańni krainy ŭ Respublika Paŭnočnaja Makiedonija zhodna ź mižuradavym pahadnieńniem z Hrecyjaj. Pra heta paviedamlaje Reuters.
Pa dadzienych ahienctva, vybarčyja ŭčastki adkrylisia ŭ 07:00 pa miascovym časie i buduć pracavać da 19:00. Bolš za 1,8 młn hramadzian treba budzie adkazać na adno pytańnie: «Ci padtrymlivajecie vy ŭstupleńnie ŭ NATA i ES, prymajučy pahadnieńnie ab pierajmienavańni pamiž Respublikaj Makiedonija i Hrecyjaj?»
Pavodle Reuters, refierendum nosić chutčej kansultatyŭny charaktar, adnak u parłamiencie Makiedonii zajavili, što buduć prytrymlivacca jaho vynikaŭ. Dla źmieny nazvy respubliki nieabchodna dźvie traciny hałasoŭ u parłamiencie i nie mienš za 50% hałasoŭ vybarščykaŭ na refierendumie, pryčym bolšaść ź ich pavinny vystupać za pierajmienavańnie.
Papiarednija apytańni pakazali, što pieravažnaja bolšaść vybarščykaŭ, chutčej za ŭsio, prahałasujuć za źmieny, adnak, jość imaviernaść, što ŭładam budzie składana damahčysia nieabchodnaj jaŭki. Bolš za toje, jość aściarohi, što častka makiedoncaŭ budzie bajkatavać refierendum z-za niazhody z umovaj ŭstupleńnia ŭ JEZ i NATA - źmienaj nazvy krainy.
