Biełstat apublikavaŭ zajmalnyja dadzienyja ab uzroŭni adukacyi biełaruskich čynoŭnikaŭ.
Pavodle statystyki, pa stanie na 1 śniežnia 2017 hoda ŭ Biełarusi pracavała 37 159 dziaržaŭnych słužačych.
Adrazu ŭdakładnim, što ŭ hetyja ličby nie ŭvachodziać anijakija siłaviki — ni Ministerstva ŭnutranych spraŭ, ni Ministerstva abarony, ni KDB sa Śledčym kamitetam.
Što nakont ich uzroŭniu adukacyi? 0,2% čynoŭnikaŭ nie majuć ni vyšejšaj, ni siaredniaj adukacyi.
Dakładnuju ličbu nazvać składana, pakolki Biełstat pryvodzić infarmacyju, akruhlajučy jaje da dziasiatych dolaŭ pracenta. Takim čynam, ad 56 da 92 čynoŭnikaŭ majuć za plačyma tolki škołu.
Na dziva, niekatorym ź ich heta nie pieraškodziła prabicca ŭ načalniki. Pavodzie statystyki, naličvajecca ad 4 da 8 kiraŭnikoŭ dziaržaŭnych arhanizacyj i ich namieśnikaŭ sa školnaj adukacyjaj.
