U Makiedonii na refierendumie ab pierajmienavańni dziaržavy jaŭka za paŭhadziny da zaviaršeńnia hałasavańnia składała 34,09%. Pra heta paviedamlaje Associated Press sa spasyłkaj na dadzienyja Centralnaj vybarčaj kamisii krainy pa 85% učastkaŭ.
Kab refierendum pryznali adbylisia, jaŭka pavinna pieravysić 50%. Paśla zakančeńnia hałasavańnia ŭ CVK zajavili, što, pa papiarednich dadzienych, jaŭka nie pieravysiła 35%, paviedamlaje Balkan Insight.
Premjer-ministr Makiedonii Zoran Zajeŭ paśla zakryćcia vybarčych učastkaŭ nazvaŭ refierendum paśpiachovym dla prychilnikaŭ jeŭrapiejskaj budučyni krainy. Jon zajaviŭ, što budzie damahacca źmieny nazvy krainy niezaležna ad vynikaŭ hałasavańnia, pieradaje DPA. Raniej paviedamlałasia, što vyniki refierendumu buduć mieć kansultatyŭnaje, ale nie jurydyčnaje značeńnie.
Praciŭniki źmieny nazvy Makiedonii, jakija zaklikali da bajkotu refierendumu, pačali śviatkavać pieramohu la ścien parłamienta ŭ Skopje jašče da zaviaršeńnia hałasavańnia, adznačaje Associated Press.
Na refierendum vynieśli pytańnie: «Vy za siabroŭstva ŭ NATA i Jeŭrasajuzie z pryniaćciem pahadnieńnia z Hrecyjaj?»
