Były pałkoŭnik HRU Siarhiej Skrypal, jaki ŭ sakaviku razam z dačkoj byŭ atručany niervova-paralityčnym rečyvam «Navičok», nie pavieryŭ u datyčnaść da hetaha Maskvy. Pra heta ŭ knizie «Sprava Skrypala» napisaŭ žurnalist «Bi-bi-si» Mark Urban, pieradaje The Guardian.
Reparcior, jaki asabista kantaktavaŭ sa Skrypalom, zaznačaje, što toj, vyjšaŭšy z komy, admoviŭsia vieryć, što da zamachu na zabojstva jaho samoha i jaho dački maje dačynieńnie Kreml.
Były supracoŭnik rasijskich śpiecsłužbaŭ, niahledziačy na toje, što pieradavaŭ infarmacyju brytanskaj raźviedcy, adkryta vykazvaŭ svaje nacyjanalistyčnyja pohlady, piša Urban.
U pryvatnaści, jon padtrymlivaŭ viartańnie Kryma ŭ skład Rasii i nie vieryŭ u prysutnaść rasijskich vajskoŭcaŭ na ŭschodzie Ukrainy. Jak adznačaje Urban, u domie, nabytym dla jaho MI6, jon časta pravodziŭ viečary za prahladam «Pieršaha kanała».
Kniha nie daje adkazu na pytańnie, navošta rasijskija śpiecsłužby (pa viersii brytanskaha śledztva) sprabavali zabić Skrypala.
