Łaŭreatami Nobieleŭskaj premii pa fizicy 2018 hoda stali amierykaniec Artur Eškin, francuz Žerar Moaru i kanadka Dona Stryklend — za adkryćci ŭ halinie łaziernych technałohij.
Pry hetym Stryklend stała tolki treciaj žančynaj u historyi hetaj uznaharody. Papiaredni raz žančyna atrymlivała Nobiela pa fizicy 55 hadoŭ tamu.
Amierykanski fizik Eškin źjaŭlajecca adnym sa stvaralnikaŭ aptyčnaha pinceta, jaki paśpiachova ŭžyvaŭsia ŭ daśledavańniach bijałahičnych sistem. Francuzski vučony Muru i kanadskaja fizik Stryklend prapanavali ŭzmacnieńnie čyrpiravanych impulsaŭ, jakoje dazvalaje atrymlivać łaziernyja impulsy vysokaj mahutnaści.
Aficyjnaja cyrymonija ŭručeńnia premii adbudziecca 10 śniežnia (dzień śmierci Alfreda Nobiela) u Stakholmie. Ŭznaharodu łaŭreatam pieradaść karol Šviecyi Karł XVI Hustaŭ. Suma hrašovaha ŭznaharodžańnia u 2018 hodzie składzie prykładna adzin miljon dalaraŭ na ŭsich łaŭreataŭ premii pa fizicy. Pałovu premii atrymaje Aškin, astatniaje ŭznaharodžańnie padzielać Muru i Stryklend.
U sieradu budzie nazvana imia łaŭreata pa chimii.
