Amierykanski fizik Leon Lederman, jaki atrymaŭ Nobieleŭskuju premiju za adkryćcio miuonnaha niejtryna (sumiesna z kalehami), pamior u horadzie Rekśbierh, štat Ajdacha. Navukoŭcu było 96 hadoŭ. Pryčyny jaho śmierci pakul nie nazyvajucca, paviedamlaje The New York Times.

Lederman byŭ udastojeny prestyžnaj ŭznaharody ŭ 1988 hodzie razam ź Miełvin Švarcam i Džekam Stejnbierhieroam. Ekśpierymientalna miuonnaje niejtryna jany vyjavili ŭ 1962 hodzie, a hipoteza pra isnavańnie čaścicy źjaviłasia jašče ŭ 1940-ch.

Fizik taksama viadomy jak aŭtar słovazłučeńnia «čaścica boha», jakim jon nazvaŭ bazon Chihsa ŭ svajoj knizie «Čaścica Boha: kali Suśviet heta adkaz, to jakoje pytańnie?». Iraničny termin časta staŭ užyvacca ŭ ŚMI, choć navukoŭcy nie raz krytykavali jaho.

Клас
Панылы сорам
Ха-ха
Ого
Сумна
Абуральна