Fota: Vadzim Zamiroŭski, Tut.by.
Pierad piatym turam Lihi Jeŭropy BATE mieŭ usiaho adnu pieramohu pry troch parazach, ale šancy na prachadnoje z hrupy druhoje miesca ŭsio adno zastavalisia. Dla hetaha abaviazkova treba pieramahać vienhierski «Vidzi» doma i hrečaski PAOK u haściach.
Hulnia z «Vidzi» ŭ Barysavie prachodziła pry dzieviacihradusnym marozie. A pa adčuvańniach uvohule było minus šasnaccać. Nie zaŭsiody davodzicca hulać u takich ekstremalnych umovach. Tamu, mahčyma, i hledačoŭ było nie tak šmat, jak na papiarednich matčach z PAOKam i «Čełsi».
BATE pačaŭ hulniu vielmi dziorzka i enierhična. Užo na treciaj chvilinie Mikałaj Sihnievič niakiepska vyjšaŭ na randevu z kipieram vienhraŭ, ale nie zusim pa centry, prabiŭ zusim pobač sa štanhaj. Alaksandr Hleb, jakoha trenier BATE Alaksiej Baha vypuściŭ na pole razam ź Ivaničam, zvykła bajaŭsia ŭziać na siabie adkaznaść pry ŭdarach pa varotach.
Adziny hoł u pieršym tajmie byŭ zabity na 22-j chvilinie. Za barysaŭski kłub zhulaŭ kutni. Stasievič naviesiŭ, a Sihnievič pa-majstersku hałavoj pieravioŭ miač u daloki kut — 1:0.
Vienhry ŭ startavaj pałovie taksama mieli mahčymaść zabić. Jahor Filipienka nie ŭsačyŭ za svaim praciŭnikam i źbiŭ jaho na samaj miažy štrafnoj płoščy. Vielmi niebiaśpiečny štrafny ŭziaŭsia vykonvać Chuści. Udar atrymaŭsia mahutnym i vielmi ščylnym. Niechta z hulcoŭ BATE padskočyŭ, tamu miač trapiŭ u stvor, ale Ščarbicki ŭtajmavaŭ hety ŭdar. U toj momant daviałosia pa-sapraŭdnamu pachvalavacca.
U druhim tajmie niebiaśpiečnych momantaŭ było nie tak šmat. Adnak adznačycca hałami mahli abiedźvie kamandy. U BATE Mirka Ivanič vychodziŭ na ŭdarnuju pazicyju, ale miač saskočyŭ z nahi.
Zrešty, adznačycca čarnahorcu ŭsio adno atrymałasia. Vienhry išli vialikimi siłami napierad. Časta nie dumajučy pra abaronu. U adnoj z takim atak Ivaniča pakinuli adnaho, jon atrymaŭ miač i trapna prabiŭ u blizki kut — 2:0. Matč tak i skončyŭsia z takim likam.
Varta adznačyć, što hulnia BATE zhubiła ŭ druhim tajmie ŭ dynamičnaści paśla zamieny Alaksandra Hleba, chacia i nie skažaš, što Hleb hetak užo dyryžyravaŭ atakami svajoj kamandy, ale jahonaja prysutnaść dadavała kamandzie ŭpeŭnienaści.
Čełsi siońnia razhramiŭ PAOK 4:0
Stanovišča kamandaŭ: Čełsi — 15, BATE — 6, Vidzi — 6, PAOK — 3.
Ciapier u BATE samy važny matč z PAOKam u Hrecyi.
BATE treba hulać uničyju ci pieramahać PAOK. Varta dadać, što «Vidzi» budzie doma hulać ź niematyvavanym «Čełsi». Hulni projduć 13 śniežnia.
