Alaksandr Łukašenka padpisaŭ Dyrektyvu №7 «Ab udaskanaleńni i raźvićci žyllova-kamunalnaj haspadarki krainy». Pra heta BiełTA paviedamili ŭ pres-słužbie kiraŭnika dziaržavy.

U dakumiencie vykładzieny rašeńni, pryniatyja 20 kastryčnika 2017 hoda na respublikanskim sieminary-naradzie, daručeńni i patrabavańni kiraŭnika dziaržavy pa ŭdaskanaleńni i raźvićci žyllova-kamunalnaj haspadarki.

Asnoŭnymi metami, jakija vyznačajuć pierśpiektyŭnyja napramki raźvićcia haliny, źjaŭlajucca pavyšeńnie jakaści pasłuh i praviadzieńnie spraviadlivaj taryfnaj palityki, akazańnie dziaržaŭnaj padtrymki małazabiaśpiečanym i sacyjalna nieabaronienym katehoryjam hramadzian, udaskanaleńnie raboty z nasielnictvam, raźvićcio miechanizmaŭ hramadskaha kantrolu ŭ śfiery ŽKH, stymulavańnie hramadzian da ŭdziełu ŭ realizacyi enierhaefiektyŭnych mierapryjemstvaŭ ŭ žyllovym fondzie, šyrokaje dałučeńnie nasielnictva ŭ pracu pa dobraŭparadkavańni terytoryj nasielenych punktaŭ.

Dyrektyva taksama nakiravana na ŭdaskanaleńnie abychodžańnia z kamunalnymi adchodami (skaračeńnie abjomaŭ ich nazapašvańnia, bolš hłybokaja pierapracoŭka i druhasnaje vykarystańnie hetych adchodaŭ), paetapnaja admova ad polietylenavaj ŭpakoŭki ź jaje zamiaščeńniem ekałahična biaśpiečnaj, u tym liku sa škła i papiery.

Клас
0
Панылы сорам
0
Ха-ха
0
Ого
0
Сумна
0
Абуральна
0