27 lutaha ŭ staličnaj siaredniaj škole № 26 prachodziŭ rajonny konkurs spartyŭna-patryjatyčnaj pieśni. Jak stała viadoma Tut.by, padčas mierapryjemstva raptam pamior nastaŭnik fizkultury. Mužčynu było 54 hady.

— Siarhiej Marjanavič z 155-j škoły byŭ navat nie ŭdzielnikam, a prosta hledačom. Heta byŭ konkurs spartyŭna-patryjatyčnaj pieśni, jon jak kłasny kiraŭnik byŭ u hrupie padtrymki. Tam z usich škoł byli dzieci, baćki, nastaŭniki, — paviedamiła načalnik Upraŭleńnia adukacyi Administracyi Maskoŭskaha rajona Ała Kunickaja. — Nakolki mnie viadoma, jość zaklučeńnie pra śmierć — raptoŭny šyroki infarkt. Nastaŭniku było 54 hady.

Krynica, jakaja paviedamiła TUT.BY pra śmierć piedahoha, śćviardžaje, što napiaredadni Siarhiej Marjanavič skardziŭsia na stan zdaroŭja, prasiŭ nie adpraŭlać jaho na spabornictvy. Va ŭpraŭleńni adukacyi kažuć, što ŭpieršyniu pra heta čujuć:

— Kali b jon skardziŭsia, my ž usie ludzi, chto b jaho prosta prymusiŭ? Tym bolš heta nie toj vypadak, kali treba było, kab jon abaviazkova byŭ.

Dyrektar 155-j škoły, dzie pracavaŭ nastaŭnik, admoviłasia ad kamientaroŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?