Biaspłatnyja treniroŭki projduć u Minsku, Homieli, Hrodnie, Breście, Pinsku, Łunincy i Oršy. Puskać na zaniatki fitnesam biez kvitkoŭ i kłubnych kart pa papiarednim zapisie buduć raz na miesiac. Uziać udzieł moža kožny, kamu cikava zajmacca sportam na amatarskim uzroŭni i pravilna charčavacca.

Pieršaja «Adkrytaja treniroŭka TEOS» projdzie 13 sakavika ŭ 18:00 u minskim kłubie «Adrenalin» (Čyhunačnaja, 138). Usich udzielnikaŭ čakaje hadzinny Fitness Mix, padčas jakoha možna budzie pasprabavać roznyja prahramy fitnesu i inšych napramkaŭ. Dla zapisu treba prajści prostuju anłajn-rehistracyju. Pakolki kolkaść miescaŭ abmiežavanaja, zaprašalniki buduć razyhranyja vypadkovym čynam.

Usie zaniatki buduć hrupavymi i składzienyja takim čynam, kab karyść była jak dla mužčyn, tak i dla žančyn. Akramia treniroŭki i majstar-kłasu treniera, usie ŭdzielniki atrymajuć asabistyja rekamiendacyi pa pravilnym charčavańni.

«Prajekt pavinien dać dadatkovy stymuł vieści zdarovy ład žyćcia. Tyja, chto ŭžo zajmajecca fitnesam, prosta praviaduć čas z karyściu dla svajho arhanizma. A tyja, chto tolki pačynaje, zmohuć pryhladziecca da papularnych napramkaŭ i, mahčyma, praciahnuć treniroŭki sistemna. Akramia taho, my pakažam, jak pravilna charčavacca i pierakusvać z hrečaskim johurtam TEOS, bo biez pravilnaha racyjonu niemahčyma dasiahnuć zaŭvažnych vynikaŭ», — patłumačyła dyrektar pa suviaziach z hramadskaściu AAT «Savuškaŭ pradukt» Alena Babkina.

Hadavy ZŁŽ-prajekt ładziać kampanija «Savuškaŭ pradukt» i sietka fitnes-kłubaŭ «Adrenalin». Biaspłatnyja treniroŭki buduć prachodzić raz na miesiac da kanca hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0