Alaksandr Łukašenka padpisaŭ dyrektyvu №6 «Ab raźvićci vioski i pavyšeńni efiektyŭnaści ahrarnaj haliny», paviedamiła BiełTA pres-słužba kiraŭnika dziaržavy.

U dakumiencie, tekst jakoha pakul nie apublikavany, vykładzieny rašeńni, pryniatyja 3 krasavika 2018 hoda na respublikanskim sieminary-naradzie, pastaŭlenyja padčas mierapryjemstva zadačy, mety dalejšaha raźvićcia ahrarnaj haliny i miechanizmy ich realizacyi.

Asnoŭnyja pałažeńni dyrektyvy, vykanańnie jakich dazvolić dasiahnuć pastaŭlenych metaŭ, tyčacca zabieśpiačeńnia ŭstojlivaha raźvićcia i funkcyjanavańnia ahrapramysłovaha kompleksu, praviadzieńnia kankurentnaj ekanamičnaj palityki dla dasiahnieńnia efiektyŭnaha funkcyjanavańnia rynku sielskahaspadarčaj pradukcyi i praduktaŭ charčavańnia, zabieśpiačeńnia ŭstojlivaha raźvićcia terytoryi sielskaj miascovaści, zaniataści sielskaha nasielnictva i pavyšeńnia ŭzroŭniu jaho žyćcia, havorycca ŭ paviedamleńni.

Pałažeńni dakumienta taksama nakiravany na «ŭzmacnieńnie zaležnaści acenki raboty kadraŭ ad stanu vytvorčaj, vykanalnickaj i pracoŭnaj dyscypliny, padrychtoŭku vysokakvalifikavanych kadraŭ dla sielskahaspadarčaj vytvorčaści».

Pry vykanańni ustanoŭlenych dyrektyvaj zadańniaŭ da kanca 2020 hoda abjomy vytvorčaści małaka ŭ krainie pavinny dasiahnuć 9 młn ton u hod, pradukcyi vyroščvańnia žyvioły i ptuški - 1,8 miljona ton. Pavinien być zabiaśpiečany rost pradukcyjnaści pracy ŭ sielskaj haspadarcy na 40% i ŭzrovień zarpłaty ŭ halinie nie nižej za ŭzrovień, jaki składvajecca ŭ siarednim u ekanomicy.

Клас
0
Панылы сорам
0
Ха-ха
0
Ого
0
Сумна
0
Абуральна
0