Sud Leninskaha rajona Minska vynies prysud byłomu hałoŭnamu patołahaanatamu Ministerstva achovy zdaroŭja. Pakarańnie 70-hadovamu Arkadziu Pučkovu — 7 hadoŭ i 6 miesiacaŭ u kałonii ŭzmocnienaha režymu z kanfiskacyjaj majomaści.

Arkadzia Pučkova abvinavačvali pa č. 1, 2, 3 art. 430 KK (Atrymańnie chabaru ŭ bujnym i asabliva bujnym pamierach). Adzin z epizodaŭ, jaki ŭ pieršapačatkovym abvinavačańni kvalifikavali pa č. 2 art. 430 (Atrymańnie chabaru), trochi źmiakčyli. Zaraz jon kvalifikujecca pa č. 1 hetaha ž artykuła. Na pieršym pasiadžeńni paviedamlałasia: vinu patołahaanatam pryznaŭ i padčas papiaredniaha rasśledavańnia apłaciŭ usiu škodu. Pa dadzienych abvinavačvańnia, supracoŭniki addavali jamu pa 10% ad zarobku na praciahu 13 hadoŭ.

Padčas sudovych sprečak prakuror zapatrabavaŭ dla Arkadzia Pučkova 9 hadoŭ pazbaŭleńnia voli va ŭmovach uzmocnienaha režymu z kanfiskacyjaj majomaści. Akramia taho, dziaržabvinavaŭca zajaviŭ dadatkovuju sumu škody bolš za 29 tysiač rubloŭ i dziaržpošlinu. Svajo rašeńnie jon patłumačyŭ tak: častka škody kampiensavana za košt majomasci, na jakuju nakładzieny aryšt, a jana padlahała ŭ budučyni kanfiskacyi.

Adnak Arkadź Pučkoŭ pazoŭ nie pryznaŭ, zaŭvažyŭšy, što jany ŭžo apłacili sumu škody — bolš za 425 tysiač rubloŭ — i hetaja suma sama pa sabie bolšaja za tuju, jakuju jamu pradjaŭlali pieršapačatkova.

— Ja pražyŭ doŭhaje žyćcio, — kazaŭ padčas apošniaha słova Arkadź Pučkoŭ. — Za 46 hadoŭ majoj pracoŭnaj dziejnaści ja zrabiŭ, napeŭna, šmat dobraha ludziam i svajoj dziaržavie. Kali maja praca vyratavała žyćcio čyichści svajakoŭ i znajomych, ja liču, što pražyŭ žyćcio niezdarma. Viadoma, kožny čałaviek u maim uzroście dumaje, što budzie kazać apošniaje słova ŭ kole siamji i svajakoŭ. Toje, što ja kažu hetyja słovy ŭ sudzie, tolki maja vina. Za svajo žyćcio ja nie nažyŭ vialikich materyjalnych kaštoŭnaściaŭ i samaje darahoje — heta luboŭ blizkich, pavaha supracoŭnikaŭ, pryznańnie maich zasłuh dziaržaŭnymi ŭstanovami. Ja ŭsio pierakreśliŭ ŭłasnymi rukami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?