U suviazi sa źmienami klimatu, jakija adbylisia ŭ apošnija dziesiacihodździ, u Homielskaj vobłaści stała mahčymym vyroščvańnie takoj ciepłalubivaj i zasuchaŭstojlivaj kultury, jak kavun.

Hramadskaja arhanizacyja «Biełaruski zialony kryž» pad navukovym kiraŭnictvam RUP «Instytut aharodnictva» i UA «Homielski dziaržaŭny abłasny ekołaha-bijałahičny centr dziaciej i moładzi» ŭ ramkach prajekta «Školny sad» pravodzić ekśpierymient pa vyroščvańni kavunoŭ. Meta ekśpierymientu — pravieści paraŭnalnaje vyvučeńnie troch sartoŭ kavuna i vyjavić najbolš uradžajnyja dla hetaha rehijonu. Udzielnikami ekśpierymientu buduć sielskija škoły i ekołaha-bijałahičnyja centry Homielskaj vobłaści.

Škoły, na bazie jakich budzie pravodzicca ekśpierymient, vystupiać u jakaści adukacyjnych centraŭ, dzie školniki i miascovaje nasielnictva zmohuć atrymać sučasnyja viedy pa ahratechnicy vyroščvańnia kavunoŭ z ulikam klimatyčnych źmien.

Na praciahu ŭsiaho pieryjadu praviadzieńnia ekśpierymientu jaho ŭdzielniki zmohuć atrymlivać kansultacyi śpiecyjalistaŭ pa ahratechnicy vyroščvańnia kavunoŭ. Usie kamandy buduć fiksavać vyniki vopytu ŭ svaich dziońnikach u adpaviednaści z raspracavanaj mietadyčnaj schiemaj, i akramia taho, infarmacyja pra jaho chod budzie raźmiaščacca na śpiecyjalnaj internet-płatformie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?