Srodki, jakija pastupajuć u Karačajeva-Čarkiesiju, całkam kantralujucca tolki niekalkimi ŭpłyvovymi siemjami, havorycca ŭ rasśledavańni rasijskaha apazicyjaniera Alaksieja Navalnaha. Rasśledavańnie sfakusavana na siamji Kaitavych, jakaja, pavodle Navalnaha, maje taki ž upłyŭ u rehijonie, jak i siamja Arašukavych.
U rasśledavańni havorycca, što adzin z pradstaŭnikoŭ siamji, Alij Kaitaŭ, u 2004 hodzie arhanizavaŭ zabojstva siemiarych čałaviek. Na toj momant jamu było 27 hadoŭ, jon byŭ ziaciem kiraŭnika rehijonu Mustafy Batdyjeva i kiraŭnikom pradpryjemstva «Kaŭkazcemient». Kaitava prysudzili da 17 hadoŭ kałonii, adnak užo praź dzieviać hadoŭ jon vyjšaŭ na volu. Adrazu paśla hetaha jon uznačaliŭ kampaniju, jakaja zajmajecca raźmierkavańniem elektraenierhii ŭ Čarkiesku.
Dziadźka Alija Kaitava, Mahamied Kaitaŭ, doŭhi čas zajmaŭ pasadu kiraŭnika Kaŭkazskaj enierhietyčnaj kirujučaj kampanii. Jak nahadvaje Navalny, u 2011 hodzie Uładzimir Pucin publična zhadaŭ jaho ŭ vystupie z nahody karupcyi ŭ elektraenierhietyčnaj śfiery. U 2013 hodzie Mahamied Kaitaŭ byŭ aryštavany pa abvinavačvańni ŭ kradziažy, adnak užo ŭ 2015 hodzie jon byŭ na voli.
Jašče niekalki členaŭ siamji Kaitavych zajmajuć vysokija pasady ŭ kiraŭnictvie Karačajeva-Čarkiesii: tak, brat Alija Kaitava Achmat uznačalvaje rehijanalnaje ŭpraŭleńnie aŭtamabilnych daroh, a cieść apošniaha raniej kiravaŭ palicyjaj rehijonu. Baćka Alija Kaitava Zaur byŭ hałoŭnym laśničym respubliki.
Ciapierašni kiraŭnik Karačajeva-Čarkiesii Rašyd Ciemrezaŭ, paviedamlaje Navalny, taksama blizka źviazany z Alijaj Kaitavym — da pačatku palityčnaj karjery jon zajmaŭ kirujučyja pasady ŭ enierhietyčnych kampanijach.
Navalny taksama vyvučyŭ dopisy ŭ sacyjalnych sietkach pradstaŭnikoŭ siamji Kaitavych i ich dziaciej i vyjaviŭ tam foty darahich asabniakoŭ, jacht, elitnych aŭtamabilaŭ i inšych pradmietaŭ raskošy.
