kremlin.ru
Data sustrečy biełaruska-rasijskaj mižuradavaj hrupy pa intehracyi dahetul nie vyznačana, ale jaje pracu nichto nie zatrymlivaje, zajaviŭ pasoł Rasii ŭ Minsku Michaił Babič, piša interfax.by.
«Usie ŭ pracy, nichto nie spyniaŭsia, nichto ničoha nie zatrymlivaŭ. Treba budzie pieraasensavać, aktualizavać uvieś farmat uzajemaadnosin za minułyja 20 hadoŭ», — skazaŭ M.Babič žurnalistam, naviedvajučy Žodzina ŭ aŭtorak.
Pavodle jaho słoŭ, źmianiałasia zakanadaŭstva, mianialisia palityčnyja ŭmovy, mahčyma niejkaja častka paŭnamoctvaŭ moža syści na jeŭrazijskuju placoŭku.
Dypłamat nahadaŭ, što paśla farmiravańnia intehracyjnyja rabočyja hrupy prystupili da pracy. Unutry kožnaj hrupy byli vypracavany prapanovy, pra jakija paviedamlajecca prezidentam Biełarusi i Rasii.
«Paśla taho, jak prezidenty vyznačacca z kančatkovaj kanfihuracyjaj dalejšaj pracy, z tym abjomam aktualizacyi sajuznych adnosin, sajuznaj damovy, pracoŭnyja hrupy ŭžo bolš detalova pačnuć vykonvać daručeńni prezidentaŭ», — dadaŭ M.Babič.
«Idzie pastajannaja karpatlivaja praca. Bazavyja prapanovy ŭžo sfarmiravany i paviedamleny prezidentam, čakajem rašeńnia prezidentaŭ, paśla čaho pačniom bolš detalovaj adpracoŭcy hetych zadač», reziumavaŭ pasoł.
Jak paviedamlałasia, Alaksandr Łukašenka ŭ pačatku sakavika zajaviŭ, što nie viedaje, kali rasijskaja hrupa pa intehracyi pačnie pracu.
«Praŭda, ja nie viedaju, kali rasijskaja hrupa pahodzicca pracavać, a my hatovyja choć zaŭtra pačać pracu», — zaŭvažyŭ kiraŭnik dziaržavy.
«Pakul u hetym kirunku pracy niama, nie prasoŭvajecca. Ale heta nie katastrafična dla biełaruska-rasijskich adnosin, bo ŭ nas kalidor mahčymaściaŭ doŭhi. My možam spakojna vyrašać našy prablemy», — skazaŭ A.Łukašenka.
