Siarhiej Barysievič, fota Vadzima Zamiroŭskaha
Były načalnik hałoŭnaha ŭpraŭleńnia spažyvieckaha rynku Minharvykankama Siarhiej Barysieviča za ździajśnieńnie karupcyjnych złačynstvaŭ asudžany da 14 hadoŭ kałonii ŭzmocnienaha režymu, paviedamlaje BiełTA.
Pamier prysudu pa hetaj spravie skłaŭ 429 staronak, sudździa začytała tolki rezalutyŭnuju častku.
Prakuror 30 studzienia zapatrabavaŭ dla Siarhieja Barysieviča 14 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści i pazbaŭleńniem na piać hadoŭ prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ.
Siarhiej Barysievič byŭ zatrymany ŭ krasaviku 2017 hoda. Tady KDB vyjaviŭ i spyniŭ maštabnuju supraćpraŭnuju dziejnaść hrupy słužbovych asobaŭ na čale z načalnikam hałoŭnaha ŭpraŭleńnia spažyvieckaha rynku Minskaha haradskoha vykanaŭčaha kamiteta. Fihuranty abvinavačvalisia u tym liku ŭ atrymańni chabaraŭ ad pradstaŭnikoŭ pryvatnych kampanij za spryjalnaje vyrašeńnie pytańniaŭ ab zaklučeńni dahavoraŭ (zakupki pa zavyšanych cenach) z padparadkavanymi pradpryjemstvami i arhanizacyjami. Akramia Siarhieja Barysieviča pierad sudom u lipieni 2018 hoda paŭstali jašče 12 čałaviek.
