Fota UUS Mahiloŭskaha abłvykankama
Były hałoŭny śpiecyjalist pa nahladzie za budaŭnictvam RVUP «Zavod hazietnaj papiery» pryznany vinavatym u złoŭžyvańni słužbovym paŭnamoctvami i pakarany čatyrma hadami pazbaŭleńnia voli ŭ kałonii ŭzmocnienaha režymu.
Takoje rašeńnie 7 sakavika vynies sud Škłoŭskaha rajona. U fihuranta spravy taksama budzie kanfiskavana majomaść, jamu zabaroniena na praciahu piaci hadoŭ zajmać pasady, źviazanyja z praviadzieńniem jurydyčna značnych dziejańniaŭ u śfiery budaŭnictva.
Prysud u zakonnuju siłu nie ŭstupiŭ i moža być abskardžana, paviedamlaje UUS Mahiloŭskaha abłvykankama.
U sudzie było ŭstanoŭlena, što były hałoŭny śpiecyjalist z karyślivaj zacikaŭlenaści ažyćciaviŭ pryjomku faktyčna niavykananych padradčykam rabot pa mantažy i ŭstanoŭcy sistem vientylacyi i vientylacyjnych šacht, čym pryčyniŭ AAT «Papiarovaja fabryka «Spartak» bolš čym na 27 tysiač rubloŭ, što ličycca asabliva bujnym pamieram.