Sproba spłavić kantrabandu praź miažu ź Litvoj, jakaja prachodzić pa Niomanie, zaviaršyłasia niaŭdačaj. Litoŭskija pamiežniki vyłavili płyt, na jakim ź Biełarusi płyło amal paŭtary tysiačy pačkaŭ cyharet, piša «Viačerni Hrodna».
U čaćvier, 7 sakavika, na bierazie Niomana ŭ siale Hierdašaj Druskienickaha municypaliteta pamiežniki zaŭvažyli dziŭny pradmiet u prybiarežnaj travie. Vyśvietliłasia, što heta płyt kantrabandystaŭ, da jakoha było pryviazana kala 1470 pačkaŭ cyharet. Kab płyt nie kidaŭsia ŭ vočy, a cyharety nie pramokli, ich abmatali čornaj polietylenavaj plonkaj. Darečy, na pačkach byli naleplenyja biełaruskija akcyznyja marki.
Pamiežniki dastali cyharety i źmiaścili na časovaje zachoŭvańnie ŭ pamiežny pierachod u Druskininkaj. Abstaviny zdareńnia vyśviatlajucca.
