Lidskim rajonnym adździełam Śledčaha kamiteta raspačata kryminalnaja sprava ŭ dačynieńni da 41-hadovaha žychara Lidy pa fakcie zamachu na machlarstva ŭ bujnym pamiery.
Nočču 7 studzienia ŭ Lidski rajonny adździeł pa nadzvyčajnych situacyjach pastupiła paviedamleńnie ab pažary ŭ vioscy Mihuny, dzie hareŭ niežyły adnapaviarchovy draŭlany dom, jaki naležyć žycharu Lidy, a taksama haspadarčaja pabudova jaho susieda.
Supracoŭniki MNS apieratyŭna prybyli na miesca zdareńnia i svoječasova łakalizavali ŭzharańni, u vyniku čaho nichto z hramadzian nie paciarpieŭ. Ahniom častkova źniščany dach doma, paškodžany pierakryćcie, ścieny i majomaść unutry. Haspadarčaja pabudova zhareła całkam.
Ustanoŭlena, što pryčynaj uzharańnia staŭ padpał. U ździajśnieńni złačynstva padazrajecca ŭładalnik doma, jaki z metaj atrymańnia strachavoj vypłaty ŭ sumie zvyš 6 tysiač rubloŭ insceniravaŭ ździajśnieńnie złačynstva nieviadomymi asobami.
Mužčynu ŭziali pad vartu. Rasśledavańnie praciahvajecca.