U 1994-2018 hadach z Rasii byli vyviedzienyja aktyvy, ahulny košt jakich ciapier moža pieravyšać $1 tryljon, padličyli ekśpierty Bloomberg. Zrešty, jany zrabili taksama bolš kansiervatyŭnuju acenku ŭ $750 miljardaŭ, udakładniajučy, što dachodnaść vyviedzienych u afšory aktyvaŭ moža być nie zanadta vysokaj.
«[Navat u hetym vypadku] ahulnaja suma pa-raniejšamu vielizarnaja — tolki krychu mienšaja za 50% VUP [krainy]. Układzienyja ŭ ajčynnuju ekanomiku, hetyja aktyvy mahli b źnizić košt kapitału, pavialičyć abjomy vytvorčaści i dachody ŭrada ad padatkaŭ, jakija možna vydatkavać na raźvićcio infrastruktury i sacyjalnyja prahramy», — adznačajecca ŭ artykule Bloomberg.
Pavodle Banka Rasii, čysty adtok kapitału pa vynikach 2018 hoda vyras u 2,7 raza ŭ hadavym vymiareńni — z $25,2 miljarda da $67,5 miljarda. Za studzień-luty 2019 hoda čysty vyvaz kapitału z Rasii pryvatnym siektaram skłaŭ $18,6 miljarda, što ŭ 2,1 raza pieravysiła pakazčyk pieršych dvuch miesiacaŭ papiaredniaha hoda ($8,7 miljarda).