Biełaruskaja mova sadziejničaje pavyšeńniu nacyjanalnaj samaśviadomaści biełaruskaha hramadstva i farmiravańniu jaho duchoŭnaści. Pra heta nibyta havorycca ŭ kancepcyi infarmacyjnaj biaśpieki Biełarusi, jakuju adobryŭ Łukašenka. Kopija dakumienta raspaŭsiudžvajecca ŭ telehram-kanałach.
Čytajcie taksama: Łukašenku pradstavili Kancepcyju infarmacyjnaj biaśpieki Biełarusi
— Pašyreńnie sacyjalnych funkcyj i kamunikatyŭnych mahčymaściej biełaruskaj movy, jaje paŭnavartasnaje i ŭsiebakovaje raźvićcio razam ź inšymi elemientami nacyjanalnaj kultury vystupajuć harantami humanitarnaj biaśpieki dziaržavy, — havorycca ŭ dakumiencie.
Kancepcyja taksama patrabuje dalejšaj paśladoŭnaj realizacyi dziaržaŭnaj histaryčnaj palityki z tym, kab zamacoŭvać u Biełarusi i za jaje miežami biełaruskuju nacyjanalnuju kancepcyju histaryčnaha minułaha krainy.
