Pra heta paviedamiŭ načalnik upraŭleńnia Śledčaha kamiteta pa Viciebskaj vobłaści Uładzimir Šałuchin, piša BiełTA.
«Chutkaść skłała 113 km/h, ale Andrej Ščarbakoŭ nie parušaŭ chutkasny režym, bo na tym učastku trasy M1 u Viciebskaj vobłaści lehkavikam dazvolena ruchacca z chutkaściu 120 km/h. Taksama vyznačana chutkaść evakuatara, ź jakim sutyknuŭsia lehkavik, — 60 km/h», — adznačyŭ Šałuchin.
Pavodle jaho słoŭ, dziakujučy zapisu videarehistratara mašyny Ščarbakova viadoma, što jamu nichto nie pieraškadžaŭ kiravać aŭto. Na ŭčastku darohi znachodziŭsia časovy papieradžalny darožny znak «Hałalodzica», śniežnych zanosaŭ nie było. «Rasśledavańnie kryminalnaj spravy budzie zavieršana ŭ najbližejšy čas», — dadaŭ kiraŭnik abłasnoha SK.
Jak paviedamlałasia, avaryja adbyłasia viečaram 17 śniežnia 2018 hoda na 543-m km trasy M1. Aŭtamabil Kia, u jakim jechaŭ futbalist sa svajoj siamjoj, zaniesła. Mašyna vylecieła na sustrečnuju pałasu i ŭrezałasia ŭ evakuatar. Andrej Ščarbakoŭ, jaho žonka i ich šaścihadovy syn pamierli na miescy. Małodšy syn futbalista ŭ momant sutyknieńnia znachodziŭsia ŭ dziciačym kreśle, što vyratavała trochhadovamu chłopčyku žyćcio.
