Šoŭmien Uładzimir Zialenski zajmaje pieršaje miesca ŭ rejtynhu kandydataŭ u prezidenty Ukrainy, śviedčać vyniki sacyjałahičnaha daśledavańnia hrupy SOCIS.
Kałaž: Ukrajinśka pravda.
Za Zialenskaha hatovyja addać svaje hałasy 27,7% vybarščykaŭ, jakija abaviazkova buduć hałasavać i vyznačylisia sa svaim vybaram.
Za dziejučaha prezidenta Piatra Parašenku hatovyja prahałasavać 19,6%, za Juliju Cimašenka — 14,8%, Juryja Bojku — 9,6%, Anatola Hrycenku — 8,2%, Aleha Laško — 4,8%.
Inšyja kandydaty nabirajuć mienš za 3% hałasoŭ.
23,9% ukraincaŭ ličać, što na vybarach prezidenta Ukrainy pieramoža Piatro Parašenka.
19,3% apytanych dumajuć, što pieramoža šoŭmien Uładzimir Zialenski. Jašče 13,2% respandentaŭ ličać, što krainu ŭznačalić Julija Cimašenka.
Pry hetym, 24% ukraincaŭ nie viedajuć, chto pieramoža na vybarach. Jašče 9,3% admovilisia adkazvać na pytańnie.
Daśledavańnie pravodziłasia z 5 pa 10 sakavika 2019 siarod nasielnictva Ukrainy, starejšaha za 18 hadoŭ, mietadam asabistaha intervju (face-to-face) pa miescy žycharstva respandenta. Było apytana 2000 respandentaŭ va ŭsich abłaściach Ukrainy (biez uliku nasielnictva AR Krym i akupavanych terytoryj Danieckaj i Łuhanskaj abłaściej).