Maša K., vučanica 8 kłasa škoły №1 horada Dubroŭna (Viciebskaja vobłaść) ździejśniła suicyd 11 sakavika.
Ciapier śledčyja pravodziać pravierku, zaviedziena kryminalnaja sprava. Pryčyny ŭčynku pakul nieviadomyja.
Chodziać čutki, što ŭ Mašy byli prablemy ŭ škole. Ale supracoŭniki škoły kažuć, što vučanica nie mieła anijakich kanfliktaŭ ani ź piedahohami, ani z adnakłaśnikami. Vučyłasia dziaŭčynka dobra, «na 7 i 8».
Siamju dziaŭčynki ŭ škole taksama charaktaryzujuć stanoŭča. Maša žyła ŭ adnoj ź viosak pad Dubroŭna. Jaje maci — łabarantka ŭ viaskovym ahrapradpryjemstvie, baćka pamior dva hady tamu. Kažuć, prablem z ałkaholem maci dakładna nie mieła. Prablemy z hrašyma taksama naŭrad ci mahli b stać pryčynaj trahičnaha ŭčynku: Mašu charaktaryzujuć jak razvažlivuju i razumnuju dziaŭčynku.
Pakul viadoma tolki, što dziaŭčynka ździejśniła suicyd doma. 11 sakavika jana nie pajšła ŭ škołu.
Na jaje staroncy ŭ VK taksama niama nijakich namiokaŭ na pryčyny trahiedyi. Tolki zamiest statusu staić maleńkaje čornaje sardečka.