Mastacki saviet Novasibirska na pasiadžeńni ŭ sieradu zaćvierdziŭ kampramisnaje rašeńnie i ŭchvaliŭ ŭstanoŭku pomnika Iosifu Stalinu na terytoryi abkama kamunistyčnaj partyi, paviedamlaje RIA Novosti.
Abłasnaja arhanizacyja kamunistaŭ uziała na siabie finansavyja abaviazacielstvy pa dobraŭparadkavańni i kruhłasutačnym nazirańni za terytoryjaj, dzie budzie ŭstalavany pomnik.
Inicyjatary byli vymušanyja pajści na kampramis i ŭstalavać pomnik na pryvatnym padvorku, tamu što mastackaja rada admoviłasia ŭstaloŭvać biust u hramadskim miescy.
Mastackaja rada Novasibirska razhladała pytańnie ab ustalavańni ŭ horadzie biusta Stalinu 9 listapada 2018 hoda i vyrašyła, što ŭ lubym hramadskim miescy jon vykliča admoŭnuju reakcyju ŭ značnaj častki žycharoŭ horada i budzie pravakavać na akty vandalizmu.
Stalinistam było prapanavana ŭstalavać biust na terytoryi abkama. U vyniku inicyjatyŭnaja hrupa pahadziłasia z hetym.