Skrynšot z Foxnews
Kiraŭnika adnaho ź piaci najbujniejšych mafijoznych kłanaŭ Ńju-Jorka Frenka Kali, pa mianušcy Frenki Boj, zastrelili ŭ Ńju-Jorku. Heta pieršaje zakaznoje zabojstva bosa ńju-jorkskaj «siamji» z 1985 hoda.
52-hadovy Frenk Kali ličyŭsia vierchavodam kłana Hambina. U jaho strelili šeść razoŭ kala dźviarej jaho doma ŭ rajonie Stejten-Ajłend. Pa słovach śviedak, zabojca taksama pierajechaŭ Kali na aŭtamabili.
Frančeska Kali ŭznačaliŭ kłan Hambino ŭ 2015 hodzie, źmianiŭšy na hetaj roli Daminika Čefału.
Ličycca, što «italjanskuju» mafiju ŭ Ńju-Jorku kantralujuć piać kłanaŭ — Bonana, Hambina, Dženaviezie, Kałomba i Łukiezie.
Mnohija ekśpierty ličać Hambina samym mahutnym ź piaci italjanskich kłanaŭ.
0
0
0
0
0
0
