U AAT «558 Avijacyjny ramontny zavod» stvaryli udaskanalenuju viersiju viadomaha šturmavika Su-25. Videa vyprabavańniaŭ novaj mašyny pradastaviła pres-słužba Dziaržkamvajenprama.
Na šturmaviku, stvoranym jašče ŭ 1970-ch, było zamieniena ŭsie sastarełaje anałahavaje bartavoje radyjoelektronnaje abstalavańnie. Jaho miesca zaniali sučasnyja ličbavyja kompleksy, jakija dazvolili ŭžyvać najnoŭšyja avijacyjnyja srodki paražeńnia.
Pavysiłasia i bajavaja žyvučaść mašyny za košt uviadzieńnia novych režymaŭ i ŭstanoŭki sistemy radyjoelektronnaj abarony ad parazy vysokadakładnaj zbrojaj «Satelit» ajčynnaj raspracoŭki.
U chodzie madernizacyi była pavialičana namienkłatura avijacyjnych srodkaŭ paražeńnia, a taksama dadadzieny novyja režymy prymianieńnia zbroi. Naprykład, šturmavik zdolny nanosić dakładnyja ŭdary svabodnapadajučymi avijacyjnymi bombami bieź vizualnaj bačnaści celi, hruntujučysia na dadzienych navihacyjnaha abstalavańnia.
