U Minsku na kantejniernaj placoŭcy na vulicy Sierdziča znajšli jomistaści z radyjeaktyŭnymi rečyvami. Na miesca zdareńnia vyjazdžali ratavalniki.
Ratavalnikam kala 11.20 patelefanavaŭ inžynier ŽEU. Jon raspavioŭ pra padazronyja pradmiety na kantejniernaj placoŭcy.
Ratavalniki znajšli na kantejniernaj placoŭcy płastykavaje viadro biełaha koleru sa šklanymi i płastykavymi jomistaściami ŭnutry. Na ich naniesieny znak «Niebiaśpiečna. Radyjeaktyŭnyja rečyvy abo ijanizavalnaje vypramieńvańnie». Ratavalniki aharadzili miesca zdareńnia.
Papiarednija zamiery pakazali pieravyšeńnie radyjacyjnaha fonu na adlehłaści adnaho mietra ad jomistaściaŭ u čatyry razy. Za 2 mietry ad ich radyjacyjny fon nie pieravyšaŭ normu.
Usiaho pry abśledavańni miesca składavańnia śmiećcia byli vyjaŭlenyja piać jomistaściaŭ: dźvie z uraniłam chłorystym (pa 1 kh) i pa adnoj kiłahramovaj z uraniłam azotna-, sierna- i trochkisłym.
Na miescy pracujuć apieratyŭnyja słužby dla vyśviatleńnia pryčyn zdareńnia.
