Biełaruskaja milicyja ahučyła padrabiaznaści žudasnaj historyi. Mužčyna bolš za 20 hadoŭ zajmaŭsia vyrabam dziciačaj parnahrafii.
Zatrymańnie padazravanaha
U 2018 hodzie da supracoŭnikaŭ hałoŭnaha ŭpraŭleńnia pa narkakantroli i supraćdziejańni handlu ludźmi Ministerstva ŭnutranych spraŭ trapili fatahrafii i videaroliki sa scenami seksualnaha hvałtu nad dźviuma maleńkimi dziaŭčynkami. «Režysiravaŭ», zdymaŭ i niepasredna ŭdzielničaŭ u tym, što adbyvajecca, darosły ŭžo čałaviek samaha zvyčajnaha vyhladu. Usia pornapradukcyja była paznačanaja płašačkaj z ukazańniem niknejma, pad jakim «aŭtar» siadzieŭ u zakrytych čatach i sietkach dla piedafiłaŭ.
Na žachlivych kadrach milhali detali, jakija jasna pakazvali, što zdymki vialisia ŭ Biełarusi: banknota, pakiet ź sietkavaj kramy dziciačych tavaraŭ, čyrvonaja mašyna z nalepkaj ab projdzienym techahladzie i miascovymi numarami, niadbajna zakrytymi ŭ fotaredaktary. Hetyja maleniečkija začepki dapamahli milicyi za try tydni adšukać čałavieka, jaki kala 20 hadoŭ biespakarana ździajśniaŭ złačynstvy suprać pałavoj niedatykalnaści dziaciej.
Vyrašalnuju rolu adyhrała adpracoŭka transpartnaha srodku. Vyśvietliłasia, što hetaja madel u krainie — nie redkaść. Techahlad prajšło 2255 takich aŭtamabilaŭ. Pa asablivych prykmietach koła ŭdałosia zvuzić spačatku da 500, a potym da 130 mašyn. Tyja, što zastalisia, adsiejvalisia šlacham hłybokaha analizu dadzienych. Takim čynam apieratyŭniki vyjšli na ciapierašniaha ŭładalnika aŭto, jaki i akazaŭsia tym samym mužčynam z parnahrafičnych fota i videa.
Hetaja šakavalnaja historyja pačałasia ŭ 1998 hodzie, kali student-prahramist adnoj ź biełaruskich VNU «zachapiŭsia» kalekcyjanavańniem i raspaŭsiudžvańniem dziciačaj parnahrafii. Jon handlavaŭ joju jak na fizičnych nośbitach, tak i praź internet. Pastupova chłopiec pryjšoŭ da vysnovy, što sam choča ažyćciaŭlać ubačanaje i zdymać heta na kamieru. Spačatku achviarami maładoha čałavieka stanavilisia dzieci siabroŭ i znajomych. Baćki paciarpiełych biezumoŭna daviarali junaku i biez bojazi pakidali małych ź im sam-nasam. Jon dziejničaŭ nastolki dziorzka, što časam ździajśniaŭ hvałtoŭnyja dziejańni seksualnaha charaktaru ź niepaŭnaletnimi, u toj čas jak ich rodnyja znachodzilisia ŭ susiednim pakoi.
Paśla zakančeńnia VNU mužčyna aficyjna tak i nie pracaŭładkavaŭsia. Zarablaŭ na žyćcio tolki ŭ internecie: asnoŭny dachod jamu prynosiŭ prodaž parnahrafičnych materyjałaŭ, u tym liku ŭłasnaj vytvorčaści. U pačatku nulavych jon vyrašyŭ pašyryć hieahrafiju svaich złačynstvaŭ i razam sa znajomym z ZŠA adpraviŭsia ŭ Kambodžu. Tam u adnoj z ustanoŭ jany hvałtavali dziaciej i zdymali heta na videa. Dla amierykanca «seks-turne» abiarnułasia turemnym terminam — jon adpraviŭsia za kraty na 30 hadoŭ. Biełarus tady nijakaj adkaznaści nie panios.
U 2011 hodzie mužčyna pierajechaŭ va Ukrainu, dzie praź niejki čas byŭ prysudžany da pazbaŭleńnia voli za raspaŭsiudžvańnie parnahrafii. Adbyŭšy pakarańnie, mužčyna viarnuŭsia ŭ Biełaruś. Zaviazvać sa starymi zvyčkami jon nie źbiraŭsia. Naadvarot, aktyvizavaŭ kantakty ź piedafiłami ź inšych krain, a taksama stvaryŭ dziasiatak fejkavych akaŭntaŭ u sacyjalnych sietkach, ź jakich rehularna vioŭ pierapisku sa školnicami, prapanoŭvajučy ŭstupić u intymnyja adnosiny za hrošy.
U 2015 hodzie mužčyna paznajomiŭsia ź dźviuma siostrami z Navapołacka. Kožnaja vychoŭvała dačku. Dziaŭčynkam było 2 i 4 hady. Mužčyna pačaŭ žyć sumiesna z adnoj žančynaj, ale zamiest taho, kab budavać narmalnuju siamju, litaralna arhanizavaŭ chatniuju pornastudyju. Na praciahu troch hadoŭ jon sistematyčna hvałtavaŭ dziaciej, fiksavaŭ heta na videa i pradavaŭ roliki pa 30 dalaraŭ u zakrytych sietkach. Akramia taho, mužčyna ładziŭ «seks-tury» dla piedafiłaŭ-zamiežnikaŭ. Za ździek ź dziciaci jon prasiŭ ad 2 da 3 tysiačy jeŭra i navat dapamahaŭ «haściam» vyrablać parnahrafičnyja materyjały padčas takich vizitaŭ.
Abiedźvie maci byli ŭ kursie taho, što adbyvajecca, i atrymlivali za heta hrošy. Taksama siostry sami ździajśniali seksualnyja złačynstvy ŭ dačynieńni da dačok, zdymali ŭsio na videa i raspaŭsiudžvali roliki praź internet.
Ciapier mužčyna i jaho saŭdzielnicy zatrymanyja. Milicyja apublikavała videa zatrymańnia.
Hałoŭnym śledčym upraŭleńniem Śledčaha kamiteta ŭ dačynieńni da ich raspačaty šerah kryminalnych spraŭ. Va ŭzajemadziejańni ź Interpałam adpracoŭvajucca zamiežniki-pamahatyja biełarusa. Rasśledavańnie praciahvajecca.
