Napiaredadni nočču pablizu pasiołka Jeziaryšča Haradockaha rajona milicyjaniery zatrymali 51-hadovaha ŭradženca Połacka. Mužčyna chavaŭsia ad pravaachoŭnikaŭ u Maskvie z 2017 hoda, kali jaho abvinavacili ŭ arhanizacyi złačynnaj dziejnaści pa padrobcy vizavych dakumientaŭ, paviedamlaje MUS.
Va ŭzajemadziejańni z rasijskimi palicejskimi milicyjaniery vyśvietlili, što mužčyna źbirajecca ŭ Biełaruś. Kryminalnaha aŭtaryteta ŭdałosia zatrymać.
Ciapier jaho pasadzili ŭ SIZA, praviarajecca jaho dačynieńnie da ździajśnieńnia inšych złačynstvaŭ u Rasii i Biełarusi.
Abvinavačany atrymlivaŭ u Viciebsku Šenhienskija vizy pa padroblenych dakumientach, vyjazdžaŭ u Jeŭrasajuz i sustrakaŭsia z pradstaŭnikami zamiežnaha kryminalitetu dla supracoŭnictva ŭ śfiery kryminalnaha aŭtabiznesu, kantrabandy tytuniovych vyrabaŭ i pastavak sankcyjnaj pradukcyi ź Jeŭropy ŭ Rasiju praź Biełaruś.
