Broadcast Media

Broadcast Media

Dniom 15 sakavika paśla dzionnaj malitvy napadniki ŭvarvalisia ŭ miačeci, raźmieščanyja na Dyns-avieniu i Linvud-avieniu ŭ horadzie Krajstčerč, i pačali stralać pa prychadžanach, paviedamlaje New Zealand Herald.

Pavodle papiarednich źviestak, zahinuli jak minimum 49 čałaviek. Dziasiatki paranienych dastaŭleny ŭ balnicy. U momant napadu ŭ budynkach znachodzilisia sotni ludziej.

Skrinšot NZME Radio.

Skrinšot NZME Radio.

Zatrymanyja čaćviora padazravanych u napadzie — troje mužčyn i adna žančyna. Viadoma, što adnaho z napadnikaŭ zavuć Brentan Tarant. Heta 28-hadovy mužčyna z Aŭstralii. Jon vioŭ pramuju tranślacyju zabojstvaŭ u internecie na praciahu 17 chvilin. Pierad tym, jak adpravicca na złačynstva, jon apublikavaŭ u internecie 37-staronkavy «manifiest», jaki tłumačyć jaho matyvy. Jaho akaŭnty ŭ sacsietkach zabłakavanyja.

Na staroncy Brentana byŭ źmieščany davoli chaatyčny pieralik bitvaŭ miž chryścijanskimi i musulmanskimi krainami i ludziej z roznych krain, asudžanych za napady na musulman. Siarod bitvaŭ zhadvajucca bitva pry Kahule časoŭ rasijska-tureckich vojnaŭ i bai na pieravale Šypka ŭ Bałharyi. Siarod asobaŭ — Alaksandr Bisanet, asudžany da pažyćciovaha źniavoleńnia za masavaje zabojstva ŭ miačeci ŭ Kanadzie i Luka Traini, italjaniec, asudžany da 12 hadoŭ źniavoleńnia za napad na imihrantaŭ, u časie jakoha było paraniena 6 čałaviek.

Na vulicach Krajstčerča vyjaŭlenyja niekalki samarobnych vybuchovych pryład, jakija byli ŭstalavanyja na pryparkavanych aŭtamabilach. Palicyja ich abiasškodziła.

Photo / Kurt Bayer

Photo / Kurt Bayer

Zatrymanyja try mužčyny i adna žančyna.

Vidavočcy paviedamlali ab jašče adnoj stralbie na Stryklend Stryt, hetaja infarmacyja pakul nie paćvierdžanaja. U horadzie začynienyja ŭsie škoły i dziaržaŭnyja ŭstanovy. Ułady prosiać ludziej nie pakidać svaje damy.

Photo / Supplied

Photo / Supplied

Palicyja ačapiła miačeć u horadzie Danidzin. Jana zhadvałasia ŭ manifieście terarysta jak pieršapačatkovaja meta dla ataki.

SNPA

SNPA

Premjer-ministr Novaj Ziełandyi Džasinda Ardern nazvała toje, što zdaryłasia, «ekstremalnym i biesprecedentnym aktam hvałtu» i «adnym z samych zmročnych dzion» u historyi krainy.

Taksama paviedamlajecca, što palicyja Oklenda źniščyła dźvie bomby na tramvajnaj stancyi. Siłaviki ačapili jaje z-za dvuch padazronych zaplečnikaŭ, vykarystoŭvali dystancyjnych robataŭ i naładzili padryŭ.

Ci sapraŭdy tam byli bomby ci heta prosta čyjeści zabytyja rečy - niezrazumieła.

Клас
Панылы сорам
Ха-ха
Ого
Сумна
Абуральна