Patencyjnuju pahrozu dla ZŠA siońnia pradstaŭlajuć 50 krain, jakija mohuć nanieści škodu Złučanym Štatam. Pra heta padčas vystupu ŭ Centry stratehičnych i mižnarodnych daśledavańniaŭ (CSIS) zajaviła kiraŭnik adździeła palityčnaha płanavańnia Dziarždepu Kiran Skiner.

Jana nie stała nazyvać kankretnyja krainy, ale padkreśliła, što jany vyklikajuć zaniepakojenaść amierykanskich uładaŭ. Skiner patłumačyła, što ŭ XX stahodździ ZŠA ŭ źniešniaj palitycy byli zaniatyja supraćstajańniem z SSSR, ale z tych časoŭ «śviet źmianiŭsia i staŭ inšym».

Pahrozu pradstaŭlajuć nie tolki krainy ź jadziernaj zbrojaj, ale i dziaržavy, jakija mohuć atakavać u infarmacyjnaj i ekanamičnaj prastory. Zrešty, Skinar adznačyła, što «hałoŭnym vyprabavańniem» dla ZŠA stanuć krainy, jakija dałučylisia abo mohuć dałučycca da jadziernaha kłuba.

Клас
0
Панылы сорам
0
Ха-ха
0
Ого
0
Сумна
0
Абуральна
0