Čarhovy fejk pra Alaksandra Łukašenku hulaje pa rasijskich ŚMI. Telegram-kanał «Niezyhaŕ» sa spasyłkaj na krynicy ŭ administracyi prezidenta Biełarusi napisaŭ, što kiraŭnik Biełarusi daterminova sydzie ŭ adstaŭku. Hetaje paviedamleńnie pieradrukavali i absmaktali dziasiatki padkantrolnych Kramlu sajtaŭ, supołak u sacyjalnych sietkach i kanałaŭ u mesendžarach.
Alaksandr Łukašenka na apošniaj pres-kanfierencyi dla žurnalistaŭ jasna zajaviŭ, što maje namier zastacca prezidentam na šosty termin. «Vybary» ŭ Biełarusi majuć adbycca ŭ 2020 hodzie.
Telegram-kanał «Niezyhaŕ» naležyć adnamu z kiraŭnikoŭ rasijskaha dziaržaŭnaha ahienctva TASS. Raniej biełaruski błohier Eduard Palčys raźvioŭ Niazyhara, dasłaŭšy jamu absalutna biezhruntoŭnuju infarmacyju, jakaja nie vytrymlivała nijakaj pravierki. «Niazyhar» apublikavaŭ jaje biez anijakaj vieryfikacyi.
Čytajcie: Palčys raźvioŭ «Niazyhara»: napisaŭ im poŭnuju achinieju, a jany nadrukavali biez pravierki
