Viarchoŭny sud Rasii pastanaviŭ pieradać spravu jakuckaha ijeramanacha ajca Mialecija na novy razhlad. Jak paviedamlaje vydańnie Sakhaday, sud źbirajecca paŭtorna razhledzieć 41 złačynstva, jakija da hetaha byli apraŭdanyja. Pra spravu piša partał «Sibir. Realii».
Ijeramanach Mialecij.
Apraŭdalny prysud u ździajśnieńni 41 złačynstva ajca Mialecija, u žyćci Andreja Tkačenki, byŭ admienieny padčas razhladu apielacyi. Sprava nakiravanaja na novy sudovy razhlad u toj ža sud, ale ŭ inšym składzie.
Ijeramanacha Mialecija abvinavačvajuć u 87 epizodach hvałtoŭnych dziejańniaŭ seksualnaha charaktaru. U sudzie dakazali 46 ź ich, pa 41 epizodzie śviatar byŭ apraŭdany. U vyniku ajciec Mialecij prysudžany da 17 hadoŭ kałonii strohaha režymu. Jaho taksama abaviazali vypłacić kampiensacyju maralnaj škody i prajści lačeńnie ŭ psichijatra.
Asudžany svaju vinu admaŭlaje, jon abskardziŭ prysud i śćviardžaje, što jaho abhavaryli. Apielacyjnyja skarhi śviatara zastalisia biez zadavalnieńnia.
Ijeramanacha aryštavali ŭ lipieni 2017 hoda, padazrajučy spačatku ŭ dvuch vypadkach hvałtu. Spravu na jaho zaviali ŭ sakaviku taho ž hoda. U tym ža miesiacy archijepiskap Jakucki i Lenski źniaŭ Mialecija z pasady, padziakavaŭšy jamu za «paniesienyja pracy», i adpraviŭ jaho «na novaje pasłušańnie dla akarmleńnia pastvy Ruskaj pravasłaŭnaj carkvy za miažoj», pryznačyŭšy nastajacielem Pakroŭskaj carkvy ŭ Patai (Tajłand).
Paśla vyniasieńnia prysudu ŭ śniežni 2018 hoda ijeramanacha pazbavili carkoŭnaha sanu rašeńniem carkoŭnaha suda Jakuckaj i Lenskaj dyjacezij.
