Palicyja Novaj Ziełandyi pradjaviła abvinavačvańnie ŭ zabojstvie mužčynu va ŭzroście kala 30 hadoŭ, jakoha zatrymali paśla napadu na dźvie miačeci ŭ horadzie Krajstčerč. Kamisar palicyi Novaj Ziełandyi Majk Buš paviedamiŭ, što 16 sakavika zatrymany paŭstanie pierad sudom.

Majk Buš nie nazvaŭ imia čałavieka, jakoha abvinavacili ŭ zabojstvie. Premjer-ministr Novaj Ziełandyi Džasinda Ardern raniej kazała, što adzin z zatrymanych pryjechaŭ z Aŭstralii. Uskosna heta moža pakazvać na toje, što siarod zatrymanych — 28-hadovy žychar Aŭstralii Brentan Tarant, jakoha palicyja ličyła datyčnym da stralby. Aficyjna Majk Buš nie staŭ kazać, što Tarant zatrymany, ale adznačyŭ, što palicejskija bolš nie šukajuć padazravanych, čyje imiony im viadomyja.

Palicyja vyśviatlaje, ci źviazanyja z napadami jašče dvoje čałaviek, zatrymanyja z ahniastrelnaj zbrojaj. Čaćviorty čałaviek, zatrymany palicyjaj, pa słovach Buša, moža być nie datyčny.

U vyniku stralaniny ŭ dvuch miačeciach u Krajstčerčy, pa apošnich źviestkach, zahinuli 49 čałaviek, jašče 48 atrymali ranieńni.

U Novaj Ziełandyi ekstremisty napali na miačeci. Zahinuli 49 čałaviek

Клас
0
Панылы сорам
0
Ха-ха
0
Ого
0
Сумна
0
Абуральна
0